Muiñada conta a historia de Sabela e Xacobe que por un malentendido coa quenda se atopan nun muíño de auga. Ó ver que os dous non poden moer ó mesmo tempo, comezan unha discusión na que o xogo, as lendas, a tradición e a música farán que os cativos e os que non o son tanto se acheguen a un edificio que foi fundamental para a Galicia: o muíño de auga.
Muiñada é unha viaxe ó pasado para os nenos de hoxe. Unha viaxe que serve para coñecer de onde vimos e para non deixar morrer a memoria dos nosos avós e avoas. Muiñada é tradición, é festa, é música e, sobre todo, teatro para toda a familia.
Ficha artística
- Reparto: Alba Bermúdez Iglesias e Tone Martínez
- Dirección: Davide González
- Deseño Iluminación: Nacho Martín
- Deseño Espazo Sonoro: Davide González
- Deseño Vestiario: Anahí Taraburelli
- Deseño Escenografía: Anahí Taraburelli
- Dramaturxia: Ana Carreira
- Deseño Cartaz: Andrea Ures
- Duración: 50 min
- Dispoñible para interior e para exterior
- Idades reomendadas: A partir de 5 anos
- Espectáculo co-producido polo FIOT
