“Todo o mundo podía reclamar para si a condición de neno” (Manuel María)
Nunha residencia da Terceira Idade traen de volta a Berenguela, unha anciá que aproveita para fuxir en canto pode. Quere volver á súa casa na aldea, onde sempre viviu, onde é feliz. Berenguela protesta, rosma, funga, ata que a súa amiga Aurora consegue acougala. Aurora é outra anciá prisioneira, unha anciá que non lembra ben quen é, así que pode ser o que ela queira. Na mesma residencia está Tomás, que pasa o día mirando pola xanela, cismando nas súas cousas, triste e gris.
Berenguela propón unha revolta, que se volvan salvaxes e perigosas, pero Aurora suxire que fagan no teatro o que non lles deixarían facer na realidade. Cre lembrar que foi actriz e que hai unha peza co nome de Berenguela. Berenguela coñece a peza, por iso leva o seu nome. As dúas enredan a Tomás e Tomás déixase enredar. No teatro atopan a liberdade que cren perdida, a posibilidade de cambiar o mundo, ou, polo menos, o seu mundo.
Así comeza a representación da peza: “Aventuras e desventuras dunha espiña de toxo chamada Berenguela”, onde cadaquén escolle o personaxe que quere representar. Irán entrando e saíndo das escenas, debatendo, interrompendo o desenvolvemento da peza, xogando coma nese pasado que crían esquecido porque aconteceu moitos, moitos anos atrás, na ilusión da nenez.
Ficha artística
- Reparto: Atenea García, Alba Bermúdez, Tone Martínez
- Deseño Escenografía: Nicolás Zambrano
- Deseño Vestiario e atrezzo: As dúas e punto
- Deseño Iluminación: Nacho Martín
- Espazo Sonoro: Xavi Bertolo
- Dramaturxia e Dirección: Paula Carballeira
- Deseño Cartaz: Sol Álvarez
- Coprodución: CDG, Casa Museo Manuel María, FIOT, Galeatro e Xarope Tulú
- Idad Recomendada: A partir de 8 anos
- Recoñecementos:
-
Premio María Casares Mellor Espectáculo Infantil no ano 2026
-
Premio María Casares Mellor Adaptación / Tradución no ano 2026
-
