Nos nosos espectáculos de narración oral empregamos a palabra como vehículo para imaxinar, contar e sentir historias. A lingua galega como elemento identitario no que mergullar ao público en mundos máxicos onde todo é posible.

A creación contemporánea e orixinal en lingua galega e o respecto á nosa infancia son valores fundamentais das nosas propostas escénicas. En Galeatro, consideramos ás nosas crianzas como o futuro do teatro e para iso creamos espectáculos que falen das súas inquedanzas.

Propostas que falan de nós, da nosa historia, da nosa forma de ser empregando ferramentas contemporáneas de artes escénicas. Comedia actual e crítica social son liñas fundamentais dos espectáculos para o público adulto.