Galeatro nace no ano 2015 en Carballo. Fundada por Alba Bermúdez e Tone Martínez e especializada no público familiar, a súa liña de traballo esténdese desde a formación artística ata a produción de espectáculos de pequeno e gran formato.
Algunhas das pezas que percorren gran parte do territorio galego son: “Entre Bechos Anda o Conto”, “As Aventuras de Mariña”, “Hotel Paraíso”, “Muiñada”, “Carabela volve aos mares” e “Wombo Combo”.
No 2022, Galeatro estreou o seu primeiro espectáculo para público adulto en coprodución co Centro Dramático Galego “Arte sen Guión”, unha comedia atolada que especula sobre como podería ter sido o teatro medieval en lingua galega. No 2024 foi galaordada no “Certame Manuel María para proxectos teatrais” co proxecto “Berenguela na Gaiola”. No 2025 recibiría o premio da Deputación da Coruña “Fondos de proxectos culturais Reino de Galicia” coa proposta “Reino de Galicia á escena”. Xa no 26 recibiría os premios María Casares á Mellor Adaptación/Tradución e a Mellor Espectáculo Infantil pola citada “Berenguela na Gaiola”.
Galeatro naceu coa vontade de promover a creación escénica contemporánea en lingua galega, contando para iso con dramaturgos e dramaturgas galegas vivas. Así, os seus espectáculos foron escritos por Miguel Canalejo (Arte Sen Guión), Ana Carreira (Muiñada) e Paula Carballeira (Carabela, Wombo Combo e Berenguela na Gaiola).
No eido da formación, Galeatro está presente en escolas de teatro de Bergondo, Carballo, Malpica, Mesía, Oleiros, Oroso, Sada e Ordes. Conta con máis de 300 alumnos e alumnas que grazas a estas actividades xa forman parte, dalgunha maneira, do sistema teatral galego.
As arte escénicas deben ser achegadas ao público dende a infancia. A compañía busca empregar esta ferramenta como elemento dinamizador social. Así, os seus distintos espectáculos, as Escolas Galeatro e os proxectos de xestión cultural nos que estamos presentes perseguen que a xente se sinta partícipe do chamado sistema teatral galego.
A lingua como vehículo principal da arte escénica, o teatro como elemento de transformación e integración social e a creación dramatúrxica contemporánea son os valores prinicpais da compañía. En Galeatro creemos na necesidade de fomentar o uso do galego dende a infancia. Así está presente en todos os nosos espectáculos e nas diferentes escolas que xestionamos. Cremos no teatro como elemento transformador e integrador tanto polo tipo de propostas que producimos como na nosa maneira de xestionar a formación. Fomentamos a dramaturxia conemporánea producindo espectáculos sobre textos orixinais.
Licenciada en Interpretación Textual pola Escola Superior de Arte Dramático de Galicia. No 2013 realizou o Máster de Artes Escénicas na Universidade Rey Juan Carlos e no 2014 o Postgrado de Arte Cultura e Intervención Social.
O seu percorrido profesional como actriz abrangue compañías como "Triatreros", "Contraproducións" ou "Galeatro", da cal é fundadora. No eido audiovisual participou en "Serramoura", na webserie "Dálle Jas" ou na curta "As Peixeiras". Como narradora oral, percorre as bibliotecas de Galicia coa súa sesión de contos "Hotel Paraíso" e “As aventuras de Mariña”.
A súa labor como actriz e como narradora oral, compleméntase co desenvolvemento de obradoiros de artes escénicas. Actividade esta que leva exercendo na última década.
Licenciado en Arte Dramática na ESAD de Galicia, este actor, formador e narrador oral especializouse na improvisación teatral con mestres como Gustavo Miranda ou Omar Argentino. Funda, xunto con Alba Bermúdez, a compañía Galeatro, coa que realiza varios espectáculos dirixidos ao público familiar e adulto.
Ademáis das montaxes propias, destacan os traballos realizados en compañías como Triatreros ou o Centro Dramático Galego onde formou parte do elenco dos espectáculos Divinas Palabras Revolution, dirixido por Xesús Ron, e A Peste, de Cándido Pazó.
No eido audiovisual, foi actor de reparto en series como Serramoura e Pazo de Familia.
Como formador, imparte diversos obradoiros en distintas escolas de teatro de Bergondo, Oleiros, Coruña e Ordes.
Esta páxina web únicamente emprega cookies propias con finalidades técnicas. Non se levan a cabo recompilacións ou tratamentos de datos persoais mediante cookies que requiran o seu consentimento. Coñeza máis sobre as cookies que usamos na nosa verContenidoSeccion-title .