Existiu o teatro medieval en galego? Arte sen guión responde a pregunta desde as ferramentas da improvisación contemporánea. Catro comediantes representan os entremeses compilados nun estraño códice da Idade Media enchendo as partes incompletas coa axuda do público e tratando de agochar todos os anacronismos que introducen polo seu descoñecemento da época.

Arte sen guión é unha especulación improvisada, unha relectura dun tempo deostado e unha comedia que nos lembra que nin antes eran tan antigos, nin agora somos tan modernos.

Dirección e dramaturxia: Miguel Canalejo

Intérpretes: Alba Bermúdez, Miguel Canalejo, Cris Iglesias, Nacho Martín, Tone Martínez

Espazo Sonoro: Nacho Martín

Deseño Escenografía: Alba Bermúdez

Deseño Vestiario: Anahí Taraburelli

Deseño Iluminación: Gonzalo Porteiro

Espectáculo Co-Producido por CDG e Galeatro